ഉണ്ണികുട്ടന്റെ ലോകം

#പുസ്തക_പരിചയം - 4

ഉണ്ണികുട്ടന്റെ ലോകം

നന്തനാർ ( ഗോപാലൻ )

മനുഷ്യജീവിതത്തിലെ ഏറ്റവും ആനന്ദകരമായ കാലഘട്ടമാണ് കുട്ടിക്കാലം . ഗൃഹാതുരമായ ഓർമ്മകൾ നമുക്ക് സമ്മാനിക്കുന്ന കുട്ടിക്കാലം ആരെയാണ് മോഹിപ്പിക്കാത്തത് ?

നമ്മെ മോഹിപ്പിക്കുന്ന ആ കുട്ടിക്കാലത്തെക്കുറിച്ച്, നമ്മുടെയൊക്കെ ജീവിതത്തിൽ കടന്ന് പോയ മനോഹരമായ നിമിഷങ്ങളിലേക്ക് ആ മധുരിക്കന്ന ഓർമ്മകളിലേക്ക് നമ്മെ കൂട്ടിക്കൊണ്ടു പോകുന്ന കൃതിയാണ് നന്തനാർ എഴുതിയ ഉണ്ണിക്കുട്ടന്റെ ലോകം

ഗ്രാമീണ പ്രകൃതി സൗന്ദര്യത്തിന്റെ പശ്ചാത്തലത്തിൽ ഒരു ചെറിയ കുടുംബത്തിൽ ജനിച്ച ഒരു കൊച്ചു കുട്ടിയുടെ സന്തോഷങ്ങളും സങ്കടങ്ങളും കൗതുകങ്ങളും അനുവാചകരുമായി പങ്ക് വെക്കുന്ന ഈ കൃതി നാം തീർച്ചയായും വായിച്ചിരിക്കണ്ടതാണ് ഈ കൃതി വായിക്കുമ്പോൾ നമുക്കുണ്ടാകുന്ന അനുഭൂതി പറഞ്ഞറിയിക്കാൻ കഴിയാത്തതാണ് ആദ്യമായ് സ്ക്കൂളിലേക്ക് പോകുന്ന ഒരു കുട്ടിയുടെ മാനസികമായ വികാരങ്ങൾ വളരെ ഹൃദയസ്പർശിയായാണ് കഥാകാരൻ വിവരിക്കുന്നത് ബാല്യ കാലത്തിന്റെ മധുരിക്കുന്ന ഓർമ്മകളിലേക്ക് നമ്മെ കൊണ്ട് ചെന്നെത്തിക്കുന്ന ഈ നോവൽ വായനയുടെ നവ്യാനുഭവം നിങ്ങൾക്ക് നൽകും 1973 ഡിസംബറിൽ ആദ്യ പതിപ്പ് പുറത്തിറങ്ങിയ ഈ കൃതി മലയാള സാഹിത്യത്തിലെ വേറിട്ടൊരു വായനാനുഭവമാണ്

വരികൾ : മുഹ്സിൻ പഴയമ്പള്ളിൽ

#പുസ്തകോത്സവം18